ಮೇಘದ ಮಾತುಗಳು

ಮೇಘವೇ ಹೇಳು ನೀ , ನನ್ನಯ ಗೆಳತಿಗೆ
ತುಂತುರು ಹನಿಯಲೂ ಸುರಿಸು ನೀ ಪ್ರೀತಿಯ
ಮಿಂಚಾಗಿ ಬರದಿರು ಬಾಳಲಿ
ಕೊನೆತನಕ ಇರಲೀ ಬಂಧ
ಮುನಿಸುಗಳೆ ಇಲ್ಲದ ಪ್ರೀತಿ
ಸಾಗಲೀ ನದಿಯಾ ರೀತಿ
ಕನಸೆಂಬ ಕಲ್ಪನೆಗೆ ಕೇಳದಿರು ಕಾರಣವ...
ಮನಸೆಂಬ ಕನ್ನಡಿಗೆ ಕಣ್ಣುಗಳೇ ಪ್ರತಿಬಿಂಬ.

ಸಾಕಾರ

ಮಳೆಯ ಹನಿಯಲಿ ನಿನ್ನ ಮೊಗ ಮೂಡಿ,
ಮಿಂಚ ಹೊಳಪಲೂ ನಿನ್ನ ಕಂಗಳ ಸಂಚು,
ಹರಿವ ತೊರೆ ಜಲದೊಳಗೂ ನಿನದೇ ನಿನಾದ ,
ಬೀಸೋ ಗಾಳಿಯೂ ಸಾರಿದೆ ನಿನ್ನ ಪಿಸುಮಾತುಗಳ,
ಬಯಲಾಗಿದೆ ನಿನ್ನ ಸಾಕಾರವೀಗ .....